زیاد له‌ ئه‌ ندازه‌ خۆت مه‌پارێزه‌ * نه‌خۆشه‌ هه‌ر که‌س به‌ قیز وبێزه‌* که‌سێ شعووری-

له‌ چاوی دابێ* نه‌زانه‌ با له‌، سه‌د ئاوی دابێ * گوێ بگره‌ په‌ندی هه‌موو که‌س بیستوو*

رامه‌په‌ڕێنه‌ قه‌ت سه‌گی نووستو* ئه‌ م په‌نده‌ گه‌لێ له‌ لام عه‌زیزه‌* خۆزگه‌ به‌و باخه‌-

ورچی لێ زیزه‌ * دۆعای پیاوانی ژیر و به‌ هه‌سته‌ * ئه‌م ده‌سته‌ موحتاج نه‌بێ به‌و ده‌سته‌*

بێ هێزی خه‌تای رۆن  نه‌واتییه‌* که‌م خواردن له‌ که‌م ده‌سه‌ڵاتییه‌* ئای خۆزگه‌ شۆفار لاڵ و-

که‌ڕ بوایه‌ * ئاو خواردنه‌وه‌ی گورگ له‌ گه‌ڵ مه‌ڕ بوایه* بۆ که‌سێ ماندوو هیلاک و کفته‌ *

نانی ته‌ق و ره‌ق خۆشه‌ وه‌ک کفته‌* گه‌وره‌یی خه‌رجی پێویسته‌ مه‌گری* کێ بانی زۆره‌ زیاتره‌ -

به‌فری * که‌س بوو به‌ ناکه‌س ناکه‌س بوو به‌ که‌س* قه‌دیم وه‌جاخان ده‌رچوون به‌ عه‌به‌س*

وتیان به‌ گورگ تۆ د ه‌که‌ینه‌ شوان * ده‌ستی کرد به‌ قوڕ پێوان و گریان* وتیان بۆ ده‌گری خۆ –

که‌سپی چاکه‌* وتی ده‌ترسم درۆ بێ کاکه‌* خۆت له‌ شوێن شوان ما ت و کز مه‌که‌ * ماڵی توند-

بگره‌ و که‌س به‌ دز مه‌که‌ * ئێژن فره‌ وێژ له‌ خراپ و خاس هه‌ر دێ به‌ ده‌میا درۆ بێ یا راس*

درۆ نه‌فه‌رزه‌ نه‌ سونه‌ت کاکه‌* کێ راسو پاکه‌ بێ ترس و باکه‌ * گۆشت خۆرن هه‌موو ده‌عبای-

ئه‌م ناوه‌ * که‌چی هه‌ر ناوی گورگ به‌د ناوه‌* وایان فه‌رمووه‌ پیاوی هه‌ڵکه‌وتوو * رێوی وریا –

به نه‌ک شێری خه‌وتوو* هه‌ر کچێ دایک تاریفی بکا * بۆ خاڵۆی ده‌بێ شوو به‌ ئه‌و ده‌کا*

سه‌گ بۆیه‌ بێ خۆف په‌لامار دێنێ * ئێسک به‌ قه‌وه‌ی کلکی ئه‌شکێنێ* چرای مه‌زڵوومان –

کز و بێ نووره‌*  ئاوی زاڵمان  سه‌ر به‌ره‌و ژووره‌* لێدان وکوتان په‌سه‌ند نه‌کراوه‌* به‌ڵام –

جارو بار ئیزن دراوه‌* ئه‌وه‌ی نه‌فام و بێ هۆش و گو ێیه‌* کوته‌ک ده‌زانێ قۆناغی کوێیه‌*

تا کوته‌ک نه‌خۆن هێندێ گا و که‌ر * ئیشت بۆ ناکه‌ن وه‌ک پیاوی ده‌ غه‌ڵ*  بۆ ژنی لاڕێ و-

پیاوی به‌ د   نمه‌ک* له‌ به‌ هه‌شته‌وه‌ هاتووه‌ کوته‌ک...........