له‌ که‌ه‌ره‌می که‌م مه‌گره‌ به‌هانه‌* که‌می هێندێ که‌س به‌زۆر بزانه‌* مه‌شهووره‌ هه‌ر که‌س-

به‌که‌م نه‌زانێ * پیاوه‌تی زۆریش به‌ که‌م ده‌زانی* ده‌ڵێن هه‌ر ژنێ مێرد بیکا تڕۆ* به‌ هه‌موو-

عاله‌م ناکرێ په‌ڕۆ* به‌ڵام هه‌ر ژنێ مێرد بیکا سه‌نگین* عاله‌م هه‌ڵه‌ستێ پێی نابێ نه‌نگین*

پیاو ئه‌گه‌ر شێره‌ یاخۆ پڵنگه‌ * ژن ده‌رکی نه‌کا که‌متر له‌ پنگه‌* چه‌ن به‌ مه‌زه‌یه‌ نه‌زیله‌ی کوردی*

گڵمه‌ت ده‌گریا بۆ حا ڵی گورگی* کاتێ تووڕه‌ بووی هه‌ڵ مه‌چۆ ته‌واو * نه‌وه‌ک تێکه‌ڵاو بکه‌ی-

دۆ و دۆشاو* که‌س به‌ رواڵه‌ت لێت مرچ ومۆنه‌ شیر نابێ به‌ ئاو فه‌رمووده‌ی کۆنه‌* قه‌دیمی ده‌ڵێن-

بۆ ده‌سته‌ وه‌ستان* هیچ فه‌رقی نییه‌ گه‌رمێن و کوێستان* سێ شت خه‌م له‌ دڵ ده‌رده‌که‌ن ته‌واو-

رووی شۆخ و شه‌نگ و شێنایی و ده‌م ئاو* پیاو و بۆره‌ پیاو نه‌زانی کامه‌* دیاره‌ گا به‌ گون –

ده‌ناسی مامه‌* به‌ شێرو رێوی مه‌مکه‌ گێژو کاس* مه‌ردو مه‌ردانه‌ بێژه‌ ماس وماس* هه‌رچی خۆی

تاڵ بێ له‌ ئه‌زه‌ڵ چاکه‌* شیرین که‌ تاڵ بوو زۆر خه‌ته‌ر ناکه‌* دۆعات ئه‌وه‌ بێ شیرین تاڵ نه‌بێ*

قه‌ت ناته‌باییت له‌ نێو ماڵ نه‌بێ* ده‌ک ئاوه‌دان بی ماڵی بێ قڕه‌ * سفره‌ی ته‌باییت هه‌موو ده‌م پڕه‌*

ده‌ڵێن هه‌ر شتێ کابان بیشکێنی* ته‌قه‌ی لێ ناێی گوێ نابزوێنێ* مه‌پرسه‌ مردوو لاوه‌ یا کیژه‌-

مه‌شهووره‌ چاوی مردوودار تیژه‌* هێند تێری برسیت قه‌ت له‌ یاد نییه‌ * ئاگات له‌ مه‌حموود-

بێ زه‌واد نییه‌* خاڵه‌ گیان هێشتا ئه‌سپ نه‌کڕاوه‌* ئاخوڕ هه‌ڵبه‌ستن خه‌یاڵ پڵاوه‌* ئاشی فره‌ خێو-

ئه‌وه‌نده‌ دێنێ* کاکی ئاشه‌وان خۆی بیقرتێنێ* خۆشبه‌خته‌ پیاوی ئه‌میرو چالاک * ئالک زیاد ده‌کا-

له‌خۆی ئه‌سپی چاک* مه‌شهووره‌ ئاشیش رۆژێ یا شه‌وێ*  گوردی لێ نه‌کرد میرازی ده‌وێ-

تا سه‌رت نه‌دا له‌ به‌ردی ئه‌لحه‌د* کۆتاییت نه‌کرد له‌ زوڵمی بێ حه‌د* تاڵتره‌ خوێنی بێ حه‌یا-

و ده‌م شڕ* لای خوداو خه‌ڵک له‌بیری سه‌ر بڕ*..............