(  بۆق و کۆتره‌کان  )

جووتێک کۆتری نێر و مێ              ئه‌گه‌ڕان  له  ‌پاڵ چه ‌مێ

بۆقێکی جوان و سه ‌رسه ‌وز            ئه‌یقێڕان به ‌ده‌نگی به‌رز

کۆتره‌کان حه‌زیان لێ کرد              تێر و پڕ گوێیان شل کرد

سه‌ری خۆیان بۆ له‌قان                  به‌ باڵ چه‌پڵه‌یان ته‌قان

بۆقه‌که‌ ئه‌وه‌ی زانی                     بوون به‌   هاو  د ه‌ می گیانی

زۆر خۆشیان ئه‌برده‌سه‌ر                خۆشی بۆ کێیه‌ تا سه‌ر ؟

راوکه‌ر شوێنی هه‌ڵکردن               جێگایان پێ تاڵ کردن

ئه‌فڕین دوور ئه‌که‌وتنه‌وه‌               ناچار بوون بگوێزنه‌وه‌

بۆق که‌ بیستی به‌ گریان                وتی هه‌ر تێم له‌ گه‌ڵتان

دارێ، یه‌کێ سه‌رێکیان                بۆق خۆی هه‌ڵواسی به‌ دیان

به‌ شه‌قه‌ی باڵیان فڕین                 به‌سه‌ر شارا   تێپه‌ڕین

بوو به‌هه‌را له‌  شارا                    وتیان بۆق چۆن باڵداره ؟‌

بۆق هات ده‌م بکاته‌وه‌                 خه‌ریک بوو جواب باته‌وه‌

ده‌می به‌ر بۆوه‌وه‌ له‌دار               له‌و بانه‌وه‌ که‌وته‌ خوار

بۆق که‌وته‌ خوارو زوو مرد             تێر سه‌یری دنیای نه‌کرد

ئه‌مه‌ حیکایه‌ تێکه‌                       بۆ په‌ند و عیبره‌تێکه‌

یانێ ئه‌بێ هه‌ر که‌سێ                  له‌ گه‌ڵ وه‌ک خوه‌یا هه‌ڵسێ

                                                  ( مامۆستا : فایه‌ق بێکه‌س )