- ئه‌و که‌سه‌ى تۆڵه‌ ده‌کاته‌وه‌ بۆ ڕۆژێک خۆشحاڵه‌، به‌ڵام ئه‌وه‌ى ده‌بوورێ ته‌مه‌نێک خۆشحاڵه‌.

- خۆ به‌ که‌مگرتن له‌ کاتى به‌رزىو سه‌رکه‌وتندا، لێبووردن له‌کاتى ده‌ستڕۆیشتندا، ده‌ست‌و چاو فراوانى له‌کاتى ده‌ست کورتیدا، چاکه‌ کردن به‌بێ منه‌ت له‌سه‌ر کردن، نیشانه‌ی مرۆڤایه‌تین.

- له‌ "ئه‌فلاتۆن" یان پرسى: چۆن ده‌توانرێ تۆڵه‌ له‌دوژمن بکرێته‌وه‌، گوتى: به‌ چاکه‌و پیاوه‌تى.

- ئه‌گه‌ر دۆستان نه‌توانن له‌ هه‌ڵه‌ى بچوکى یه‌کدى چاوپۆشى بکه‌ن، دۆستایه‌تیان به‌ هیچ شتێک ناگا.

- دیارى مێرووله‌ قاچى کلۆیه

-               - پێویسته‌ له‌ هه‌موو که‌سێک داواى لێبووردن بکرێ، منداڵ له‌به‌ر بچووکى، ژن له‌به‌ر بێ ده‌سه‌ڵاتى، که‌سانى باش له‌به‌ر ئه‌وه‌ى نیازى خراپه‌یان نیه‌، که‌سانى خراپ له‌به‌ر ئه‌وه‌ى به‌دبه‌خت‌و بێچاره‌ن.

- چاکه‌ کردن به‌ شتێکى زۆر که‌میش بێ، ئاگرى تووڕه‌یى ده‌کوژێنێته‌وه‌.

 - خراپترین که‌س ئه‌و که‌سه‌یه‌، که‌ له‌تاوان نه‌بوورێت‌و له‌هه‌ڵه‌ چاوپۆشى نه‌کا، له‌ویش خر‌اپتر ئه‌وه‌یه‌ که‌ خه‌ڵک له‌ ئازاردان‌و چه‌وساندنه‌وه‌ى دڵنیا نه‌بن‌و له‌ چاکه‌و پیاوه‌تى بێ هومێد بن.

- ئاگر بۆ دوژمنه‌که‌شت ئه‌وه‌نده‌ خۆش مه‌که‌ که‌خۆشت بسووتێنێ.

 - لێبووردن له‌که‌سێک جوانه‌ که‌تواناى تۆڵه‌ کردنه‌وه‌ى هه‌بێ.

- ڕق‌و کینه‌یه‌ک که‌ئاسووده‌یى دڵ‌و له‌شت تێک ده‌داو ژیانت ناخۆش ده‌کا، له‌ناو دڵتدا مه‌یهێڵه‌وه‌.

- ئێمه‌ ده‌بێ له‌خراپه‌‌ کردن زیاتر بترسین, تا له‌خراپه ‌دیتن.

- هه‌ر که‌سێک له‌ ژیاندا نانى نه‌خورێت، که‌ مرد ناوى نابرێ.

- ئه‌وه‌ى لێبووردنى زیاتره‌، ده‌وڵه‌مه‌ندتره‌.