ســــــــــاقی‌ هه‌توانی‌ ژانی بریــنان
خه‌مڕه‌‌وێـــنه‌وه‌ی‌ ژ‌ین په‌رێشـانان
وه‌ره‌بابه‌زم و ره‌‌نگی‌ پـیـاله‌ت بێ
باهه‌ستی‌‌پاكی ‌شادی‌ نه‌شئه‌ت‌بێ
وا دڵی‌ زامم له‌ خــه‌م خـــــنــكاوه‌
له‌م دوور وه‌لاته‌ ژ‌یــــــانم نه‌ماوه‌
هاتنت بــــۆمن په‌یــــــــامی‌ ژ‌یـــنه‌
ســــــه‌رخۆشی‌ دڵی‌ پڕ له‌ بریــنه‌
ده‌نگی‌ یـــارانم وا لێ بــــــــــڕاوه‌
ته‌نیام و‌ته‌نیام ، ته‌نیا تـۆم ماوه‌
ده‌هه‌ســته‌ تۆخوا پیاله‌م بۆبێنه‌
له‌م ژ‌ینه‌ شــــــــینه‌ دڵم مه‌شــكێنه‌
من و تۆئه‌گه‌رهــاوده‌می‌ یه‌‌ك بین
گیروده‌ی‌ ده‌ســـــــتی‌ په‌ژ‌اره‌ نابین
ســـــــــاوه‌ره‌ توخوا له‌ كۆڕ‌ی‌ یـاران
باوێكڕا نۆشـــكه‌ین شه‌رابی‌جاران
تۆ پڕ‌ كه‌ بۆ من ئــــــــــاوی‌ حه‌یاتم
وه‌سلی شــــه‌رابه‌ ڕ‌ێگه‌ی‌ نه‌جــاتم
من كه‌ خه‌مبارم، هـــاوده‌می‌ تۆمه‌
له‌تاو یـــــــــارانم مه‌رگ به‌ خۆمه‌
هیچ ڕ‌ۆژ‌ێ نیــــه‌ خـــه‌مێكم بـۆ نێ
ســــاقی‌ ده‌وه‌ره‌ با گیــــانم ده‌رنێ
هـــه‌تا هــــاورازی‌ چاوی‌ گریان بم
قه‌ت له‌بیرناكه‌م سـاقی‌ مێوان بم
ساقی ده‌هه‌‌ســــــــته‌ باده‌یێ بێـنه‌
پڕ ژ‌ان و خه‌مــم دڵم مه‌شـــكێنه‌
واخه‌م دای‌‌گرتووم ســــاڕزگارم كه‌
له‌م دوور وه‌ڵاته‌ پـه‌ژاره‌م كه‌مكه‌
تۆ نه‌شــــــئه‌ی‌ دڵی‌ بێ نـه‌وایــانی‌
هه‌تــــوانی‌ ژ‌انی‌ خـــه‌م و گــریانی‌
ده‌وه‌ره‌ گیانه‌ با هــــــــاو ده‌مت بم
له دووری یاران ‌با دڵ بێ خه‌م‌بـم

وا له‌ بێكه‌سی‌‌و ده‌ربه‌ده‌ری خـــۆم
گه‌لێ بــــــێزارم هــــاوارم به خـۆم
ئۆخه‌ی‌دڵ‌نایێ‌هه‌رچه‌ندی‌ ده‌كـه‌م
له‌ دووری،‌یادی‌مه‌رگی‌ ژ‌ین‌ده‌كـه‌م
شـــه‌رتبێ‌به‌ده‌ست‌وپیاڵه‌ی‌ڕه‌‌نگین
من بتاســـێنم گه‌ردوونی‌ خـه‌مگین
من لێـــره‌ ته‌نـیا به‌ تۆ دڵشـــــــادم
ساقی‌ كه‌تۆ د‌ێی من خه‌م به‌بـادم
گه‌رتۆ شك نه‌به‌م‌ له‌م دووروه‌ڵاته‌
جه‌رگم له‌ت له‌ته ‌ومه‌رگم خه‌لاته‌
وا له‌ بێكه‌ســـــی‌ و نـامــــۆیی‌ ژ‌یان
ژین له ‌گولخـه‌نم ‌چــاوم پڕ‌ گـریان
كه‌ تۆ لێم دووری‌ سـاقی‌ ئـاره‌زووم
خــــه‌م‌دام ده‌گرێـتن‌دڵ‌پڕی ته‌زووم
ده‌وه‌ره‌ توخـوا هـاوده‌می‌ یه‌‌ك بین
له‌ كۆڕ‌ی‌ پاكی‌ فریشـــــــته‌كان بین
گه‌لێ له‌ مــــێژه‌ له‌ غـوربه‌تی ژین
وه‌ک سـیروان وایه‌ چــاوی پڕ گرین
سه‌یری شـــــــه‌پۆلی ئــازارو خه‌مان
وا ده‌مبـا به‌ره‌و گولخـــــه‌نی نه‌مان
ده‌سا‌ساقی گیان به‌ جــــامی جه‌مم
وه‌ره‌ که‌م بکه‌ ئــــــــــــــازارو خــه‌مم
چی‌ که‌ ئـــاوازی‌ پــه‌ژاره‌ و گرینه‌
با وه‌لای‌ بـده‌ین له‌م ژ‌ینه‌ بــــرینــه‌
دیـــــــــــاره‌ دڵی من خه‌می تێـــزاوه
بۆیه‌ هاوده‌می ســــــــاقیم پێ بڕاوه
                            ئه‌حمه‌د ده ‌شتی